تجربتى فى انزال وزنى 16كيلو

بسم الله والصلاة والسلام على رسول الله صلى الله عليه وسلم
السلام عليكم ورحمة الله

اخواتى فى الله انا الحمد لله وصلت للوزن المثالى ولله الحمد وعقبالكم جميعا ان شاء الله بصحه وعافيه
وحبيت انقل لكم تجربتى وكلى امل ان تستفيدوا منها ان شاء الله
انا اتبعت رجيم النقاط وهو الرااااااااااااائع والافضل ومنوع ولا يحرمك من شئ ولكن.................
يجب ان تاكلى اكل صحى وبكميه محدده
وانا مش حضحك عليكم واقولك انى لمدة ال 5 شهور اللى فاتت مكنتش بعك واخبص ساعات فى الاكل ولكن سرعان ماكنت اعود والتزم حتى وصلت لهدفى الحمد لله كنت 76,5 واصبحت60 بفضل الله

وحلخص لكم فىنقاط تجربتى المتواضعه

1| التوكل على الله
واستحضار نية الامتثال لامر الله فى المحافظه على الصحه وعدم الاسراف فى الطعام والشراب
يا حبيباتى سوف يسالنا الله عز وجل عن صحتنا و جسدنا فهما امانة الله تعالى لانملكهما

2| الرياضه اولا واخيرا

البعض حيقولولى ياستى خلينا واقعيين رياضة ايه احنا فاضيين حقولكم انا كمان كنت زيكم كده بدور على حجج واعذار
وياسلام ما اكتر الحجج والاعذار للى بيحاول يخترعها ولعلمكم انا عايشه فى ايطاليا ومابقدرش انزل امشى ولا كان عندى جهاز رياضى فى البدايه ولكن مارست رياضة الجرى فى المكان بالتدريج لغايه اما وصلت لساعه فى اليوم وكل شئ اوله صعب وبعدين بيبقى روتين عادى خالص
ودلوقتى الحمدلله الرياضه بقت جزء اساسى فى حياتى وبقولها باعلى صوت لولا الرياضه بعد فضل الله
مكنتش وصلت لوزن مثالى وجسم مشدود ورياضى ولله الحمد( قولو ماشاء الله ولاقوة الا بالله ياحلوات)

3| الاكل الصحى
_ابعدى عن السمن والسكر والدهون القاتله وارجعى للزيت النباتى ويا حبذا زيت الزيتون وعسل النحل والحاجات اللى كلها بركه دى
_وياريت تبعدى عن الحلويات والمقالى قدر المستطاع وخليلهم يوم واحد فى الاسبوع عشان نكون واقعييين ومنصعبهاش على نفسنا
_كلى الفواكه اللى بتحبيها بدل الحلويات وكليها دايما قبل الوجبات لان ربنا عز وجل قال (وفاكهة مما يتخيرون ولحم طير مما يشتهون)
والدراسات اثبتت ان تناول الفاكهه قبل الاكل بيساعد على الهضم
_ واعتمدى فى مطبخك الاكل المشوى على الجريلا او التيفال والاكل المطبوخ والمسلوق وتفننى فيهم عشان الطعم يكون لذيذ ويغنيكى عن الاكل الغير صحى اللى دايما بيكون لذيذ وانتى وشطارتك بقى
_تناولى الطعام دائما بعض الصلوات لان ربنا سبحانه وتعالى قال
يَا بَنِي آدَمَ خُذُوا زِينَتَكُمْ عِنْدَ كُلِّ مَسْجِدٍ وَكُلُوا وَاشْرَبُوا وَلَا تُسْرِفُوا إِنَّهُ لَا يُحِبُّ المسرفين الأعراف 31
واثبتت الدراسات ان هذا النظام فى الاكل بيقى من السرطان بأذن الله

4| اجعلى الرشاقه هو الحلم المسيطر على تفكيرك

بدل ما تقعدى تحلمى بالاكل وازاى تظبطيه تمام وتاكليه بمزاج احلمى بجسم رشيق مشدود ومقاس صغير فى الملابس عشان يليق عليكى كل حاجه وماتتحرميش من الملابس الشياكه اللى اغلبها بيكون مقاسات صغيره

5| شرب الماء
اشربى مايه كتير وكل ما تحسى انك حتضعفى وتاكلى اشربى مايه حتسد نفسك علطول ان شاء الله
وكمان المايه تذيب الدهون

6|تناول الخضار نئ وشوربات

الخضار وشوربة الخضار مفيده وسعراتها مابتأثرش .تقريبا كل انواع الخضار ماعدا اللى فيها نشويات زى البطاطس
خليكى ذكيه وكترى منها تفتتى فى عمل شوربات بنكهات لذيذه عشان لاتمليش وكمان تحسى بالشبع

7| الانضمام لمجموعة رجيم فى المنتدى

صدقونى ده حيشجعكم كتير ان شاء الله زى ماحصل معايا وكانت هى دى بداية الطريق بس طبعا ده لايعطلكم عن العباده ولاياخركم عن الصلاه طبعا

انا بتذكر كلام اخت فى منتدى تانى كانت فاتحه موضوع للرجيم كانت كاتبه عشان تشجع البنات للانضمام اذا حسبت كل واحده فيكم وزنها الزائد
اللى حتلاقيها شايله خروف واللى شايله معزه واللى شايله عجل صغير وكل ده ثقل على الظهر والارجل والجسم كله طبعا

وفى النهايه اتقدم بشكر خاص لاختى بنت الاحرار اللى ليها الفضل بعد ربنا عز وجل للى وصلتله فهى ارشدتنى للطريق الصحيح وشجعتنى الله يجزيها كل خير ويقومها يالسلامه ويبارك فى اولادها وزوجها

اسأل الله رب العرش العظيم ان ينولكم اللى فى بالكم وتوصلوا لحلم الرشاقه بصحه وعافيه
ويارب اكون مانستش اى حاجه واكون افدتكم ان شاء الله
والف شكر لمنتدى لك لافادته الدائمه لنا الله يجزى القائمين عليه الفردوس دون حساب او عذاب

السلام عليكم ورحمة الله

شكرا على هذه المعلومات القيمة

بغيتوا ترجعوا كيما هاذا

تجربتى فى انزال وزنى 16كيلو Images?q=tbn:ANd9GcQ3DZtZ8bpTs0upF_CsHLwX6o9a7Lp_z40173KX8LlYSW_daic&t=1&h=196&w=142&usg=__WRKulNxWmTCYThkEhQc94i7sXiM=

تجربتى فى انزال وزنى 16كيلو Images?q=tbn:ANd9GcQ3DZtZ8bpTs0upF_CsHLwX6o9a7Lp_z40173KX8LlYSW_daic&t=1&h=196&w=142&usg=__WRKulNxWmTCYThkEhQc94i7sXiM=

شكرا